Plantun de Prouvènço

Pèr coumpara dos planto d'encò nostre

Alternanthera philoxeroides & Poterium verrucosum

Alternanthera philoxeroides

Amaranthaceae

Nom en français : Alternanthère.

Descripcioun :
Aquesto planto d'Americo troupicalo qu'envahis proun de relarg sus la planeto vèn tout bèu just d'èstre visto en Prouvènço (2014) à Sorgo. Es de crèire que s'espandisse mai e rapidamen. Se recounèis eisadamen à sis espigo de flour blanco, si cambo boutisso e si fueio óupousado e lusènto.

Usanço :
Malodi s'atrobo pèr metre à trachis dins li pesquié, ço qu'ajudo à soun esparpai.

Port : Erbo
Taio : Pancaro entresigna
Fueio : óupousado
Tipe bioulougico : Geoufite
Cicle bioulougico : Planto renadivo

Gènre : Alternanthera
Famiho : Amaranthaceae

Coulour de la flour : Blanco
Petalo : 5
Ø (o loungour) flour : Pancaro entresigna
Flourido : Estiéu - Autouno

Sòu : Ca
Autour basso e auto : Pancaro entresigna
Aparado : Noun
Remarco : Planto envahissènto

Liò : Ribiero
Estànci :
Couroulougi : Pancaro entresigna
Ref. sc. : Alternanthera philoxeroides (Mart.) Griseb., 1879

Pimpinello(-à-berrugo)

Poterium verrucosum

Rosaceae

Àutri noum : Armentalo-fèro, Freissineto.

Nom en français : Pimprenelle à fruits verruqueux.

Descripcioun :
Aquesto pimpinello-à-berrugo trachis dins la garrigo e li tepiero seco de nòsti colo. Sèmblo proun à la pimpenello, Poterium sanguisorba, mai es uno planto pu pichoto e li fueioun an de dènt mai prefoundo. Lou soulet biais segur de la destria èi de regarda li fru que soun eici forço berrugous (fotò). Coumpara emé la pimpinello que ié sèmblo proun.

Usanço :
Coume pèr sa cousino, li fueio aduson un bon goust de nose o de coumcoumbre à l'ensalado champanello. Ero proun acampado e de cop que i'a cultivado à passa tèms. La planto sarro li car e ajudo à la couagulacioun dóu sang. Sèr pèr sougna li plago e li bruladuro.

Port : Erbo
Taio : 8 à 80 cm
Fueio : coumpausado
Tipe bioulougico : Emicriptoufite
Cicle bioulougico : Planto renadivo

Gènre : Poterium
Famiho : Rosaceae

Ordre : Rosales

Coulour de la flour : Roujo
Petalo : ges
Ø (o loungour) enflourejado : 6 à 20 mm
Flourido : Printèms - Estiéu

Sòu : Ca (Si)
Autour basso e auto : 0 à 600 m
Aparado : Noun
Remarco : Ensalado champanello
Abriéu à juliet

Liò : Garrigo - Tepiero seco - Champino
Estànci : Termoumediterran à Mesoumediterran
Couroulougi : Eurimediterrano
Ref. sc. : Poterium verrucosum Link ex G.Don, 1832 (= Sanguisorba verrucosa A. Braun, 1867 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Alternanthera philoxeroides & Poterium verrucosum

ges

Coumpara Alternantèro emé uno autro planto

Coumpara Pimpinello(-à-berrugo) emé uno autro planto